თუ სიყვარული არსებობს სადმე,
ეს შენ იქნები, უთუოდ ვიცი,
აჩრდილი შენი მუდამ თან დამდევს
სათნოების გაქვს უკვდავი ნიჭი
თუ სიყვარული არსებობს სადმე,
ალბათ უცეცხლოდ ძალიან იწვის,
მას მხოლოდ ძნელად შესწვდება ვინმე,
და არ იქნება არც ცის, არც მიწის
თუ სიყვარული არსებობს სადმე,
დაე მეც გავხდე ამისთვის გიჟი,
მიუწვდომელი მიწიდან ცამდე,
თანაც მაოცებ თან ნერვებს მიშლი
თუ სიყვარული არსებობს სადმე,
მინდა დღეს შევსვა მისი სასმისი,
ნუ გაჩუმდები, მითხარი რამე,
თორემ ჩამოწვა ჩვენს ირგვლივ ნისლი,
თუ სიყვარული არსებობს სადმე,
შენ გამოცდილ გექნება ვიცი,
გამიზიარე პატივი დამდე ,
ჩემი არა ხარ შენ გახდი სხვისი
თუ სიყვარული არსებობს სადმე,
ქმნილი ხარ როგორც ოცნება მისი,
თუნდაც ვიპოვო სიკვდილის გზამდე,
გრძნობა სათუთი ამავდროს ხისტი
თუ სიყვარული არსებობს სადმე,
მანათობელი ვთარც მზის სხივი,
მითხარი ქვეყნად ვიყო სადამდე,
შლეგად გცეული ამ გრძნობის ღირსი.
მიმაგრება: |