მთავარი »
2012 » ოქტომბერი » 27 » სიკვდილთან გაშინაურება
10:15 PM სიკვდილთან გაშინაურება |
დგანან ვერხვები გათანგული სიკვდილის ლანდით,
მოდის საღამო, მგლოვიარე ფერები მოაქვს,
აბორგებულა ან უბრალოდ გამწყრალა ქარი,
ან წარმავლობის აქ უთუოდ მომხდარა ბრძოლა.
ვდგევარ ქაოსში და სამყაროს ძახილებს ვუსმენ,
სადღაც ნაცრისფრად მწუხარების დაეშვა ფარდა,
მე არეული უგზო-უკვლოდ მივყვები ქუჩებს
და სულში რაღაც უმოწყალო ტკივილი ჩამრჩა.
დრო სარეცელზე გათანგული სიკვდილს აზიდავს,
აქ მწუხარებას საქორწილო აცვია კაბა,
სხივიც იქნება და ოდესმე გზაზე გაგიყვანს,
თუ უსაშველოდ არეული ქარები ჩადგა.
მაგრამ მკურნალად დროს ვერ ვეტყვი ქათინაურებს,
დრო მეხად მოდის და სიკვდილთან გაშინაურებს.
მიმაგრება: |
|
კატეგორია: სასიყვარულო ლექსები ♥ |
ნანახია: 690 |
დაამატა: Sabanadze
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს
[
რეგისტრაცია |
შესვლა ]