მთავარი »
2012 » ოქტომბერი » 28 » ბალდახანი
|
ფიქრი გაიტაცა დილის ქარიშხალმა,
მე ასე ვსეირნობ ნელი სიარულით. . .
სულში უიმედო სივრცე გაიშალა,
გაჩნდა მუსიკიდან ქარი სინანულის. . .
ისევ შრიალია,კრთიან ეს გედები,
მე შენ განშორებას უხმოდ გავალებდი. . .
მხოლოდ მარტოობის დღეებს ვეგებები,
მხოლოდ სიჩუმეა ჩემი კავალერი. . .
ალბათ მეგობრებმა სადღაც გამიხსენეს,
როგორც ღამეების მიერ გადამწვარი. . .
ეხლა კუბოში ვარ,გულმა დაისვენა,
მომდევს პროცესია,ჩუმი თანამგზავრი. . .
ალბათ სამარესთან ვარდი მრავალია,
ალბათ მარიამიც ტირის თავდახრილი. . .
მთვარე მდუმარეა და ცა მაღალია,
მოდის გათენება,როგორც ბალდახანი. . .
მიმაგრება: |
|
კატეგორია: სასიყვარულო ლექსები ♥ |
ნანახია: 852 |
დაამატა: Sabanadze
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს
[
რეგისტრაცია |
შესვლა ]